ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Рәсми Татарстан

Миңнеханов: Сәнәгать зоналарының намуссыз хуҗалары белән кырысрак эшләргә кирәк

25 октябрь 2019, 15:41 , Фото: tatarstan.ru

Миңнеханов: Сәнәгать зоналарының намуссыз хуҗалары белән кырысрак эшләргә кирәк
Сәнәгать мәйданчыклары кешеләргә һәм шәһәргә хезмәт итәргә тиеш, дип саный Татарстан Президенты.

(Иннополис, 25 октябрь, «Татар-информ», Динар Прокопьева). Татарстан хакимияте сәнәгать мәйданчыкларының намуссыз милекчеләре белән катгыйрак эшләргә тиеш. Республика Президенты Рөстәм Миңнеханов Россия Төзелеш министрлыгының җирләрне алу турындагы закон проектын эшләүгә әйләнеп кайту планын шулай итеп шәрехләде.

«Әгәр милекчеләр эшне яхшы оештырган икән - сораулар юк. Без ташланган һәм проблемалы урыннар турында сөйлибез, моңа тыныч кына карый алмыйбыз. Без активлык күрсәтербез дип уйлыйм», - диде Рөстәм Миңнеханов. «Без шәһәрдә һәм биредә яшәүче кешеләр мәнфәгатьләрен кайгыртып, тартып алабыз. Безгә кырысрак эшләргә кирәк», - диде Татарстан Президенты.

Пленарная сессия Второй Российской молодежной архитектурной биеннале

Республика җитәкчесе билгеләп үткәнчә, архитектура белән проблемалар совет заманнарыннан бирле дәвам итә. Советтан соңгы чорда күп хаталар ясалды, аларны заманча архитекторларга төзәтергә туры киләчәк.

«Федераль үзәк һәм Төзелеш һәм торак-коммуналь хуҗалык министрлыгының бүгенге сәясәте тәртип урнаштыруга юнәлдерелгән», - дип йомгак ясады Рөстәм Миңнеханов. Сәнәгать зоналарының икенче тормышы Иннополистагы II Россия яшьләр архитектура күргәзмәсенең төп темасы булды.

Элегрәк Татарстан Президенты белдергәнчә, шәһәрләрдә иң матур урыннарны сәнәгать предприятиеләре каплый һәм яшь архитекторлар бурычы бу территорияләрне шәһәрнең матур урыны итү.

 

http://ftp.prav.tatar.ru/president/2019/10/250919/biennale/biennale_conv.mp4


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10