ҺАВА ТОРЫШЫ 0 oC

Яңалыклар

барлык хәбәрләр Татарстан Россия
×

Дин

Самара һәм Тольятти шәһәрләрендә мөселманнарның «Мәүлид ән-Нәби» бәйрәме була

25 октябрь 2019, 11:04

Бәйрәмнең максаты – традицион исламның рухи-әхлакый кыйммәтләрен популярлаштыру, яшь буынны Пәйгамбәрнең яшәү рәвешендә тәрбияләү.

(Казан, 25 октябрь, «Татар-информ»). Самара һәм Тольятти шәһәрләрендә мөселманнар «Мәүлид ән-Нәби» бәйрәмен уздырачак. Бу хакта «Самара татарлары» сайты хәбәр итә.

10 ноябрьдә Тольятти шәһәренең Н.В.Абрамов исемендәге «Тольятти» Мәдәният сараенда исламга нигез салучы Мөхәммәд Пәйгамбәрнең (с.г.в.с.) туган көненә багышланган «Мәүлид ән-Нәби» бәйрәме була. Чараны Тольятти татарларының шәһәр милли-мәдәни автономиясе оештыра.

Самара шәһәрендә исә исламга нигез салучы Мөхәммәд Пәйгамбәрнең (с.г.в.с.) туган көненә багышланган «Мәүлид ән-Нәби» бәйрәме 13-14 ноябрьдә «Заря» Мәдәният йортында узачак. Чараны Самара өлкәсе мөселманнары Төбәк Диния нәзарәте Самараның «Дуслык» төбәк иҗтимагый иҗат оешмасы белән берлектә үткәрә.

Бәйрәмнең максаты – традицион исламның рухи-әхлакый кыйммәтләрен популярлаштыру, яшь буынны Пәйгамбәрнең яшәү рәвешендә тәрбияләү, кешеләрдә җәмгыять тормышының бүгенге шартларында кирәкле югары әхлакый сыйфатлар формалаштыру, диелә хәбәрдә.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10