ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Фән һәм мәгариф

Казан “Тоталь диктант-2020 " башкаласы булырга мөмкин

25 октябрь 2019, 08:31

Текст авторы бөтендөнья акциясенең төп мәйданчыгында диктант уку өчен җиңүче шәһәргә киләчәк

(Казан, 25 октярбрь, "Татар-информ"). Казан "Тоталь диктант-2020” башкаласы булу өчен бәйгедә катнаша. Акциянең рәсми сайтында тавыш бирү башланды, аның нәтиҗәсендә җиңүче шәһәр сайлап алыначак. Бу турыда ТР Мәгариф һәм фән министрлыгы матбугат хезмәте хәбәр итте.

Текст авторы бөтендөнья акциясенең төп мәйданчыгында диктант уку өчен җиңүче шәһәргә киләчәк. Казаннан тыш, конкурста Чиләбе, Вологда, Екатеринбург, Санкт-Петербург, Ростов-на-Дону, Краснодар, Нукус (Үзбәкстан), Тамбов һәм Ижевск шәһәрләре катнаша.

Конкурска нәтиҗәләр 1 февральдә ясалачак, ә 11 ноябрьгә кадәр акциянең рәсми сайтында тавыш бирүдә катнашырга мөмкин: https://totaldict.ru/voting_capital/

Быел "Тоталь диктант" 4 апрельдә узачак. Барлык теләүчеләр дә акциягә кушыла һәм белемнәрен тикшерә ала. Былтыр диктант дөньяның 68 иленең 800дән артык шәһәрендә язылган иде, анда 250 меңнән артык кеше катнашты. Татарстанда акцияне республиканың барлык шәһәрләрендә 50 төрле мәйданчыкта үткәрделәр. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10