ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Авыл

Түбән Кама фермерлары Теләче терлекчеләре белән тәҗрибә уртаклашты

24 октябрь 2019, 22:22 , Фото: tat.e-nkama.ru

Түбән Кама фермерлары Теләче терлекчеләре белән тәҗрибә уртаклашты Кунаклар шулай ук терлекчелек биналарының вентиляторлар ярдәмендә җилләтелүенә дә игътибар итте.

(Казан, 24 октябрь, "Татар-информ").Түбән Камага республиканың Теләче районы башкарма комитеты җитәкчесе Нәҗип Хаҗипов һәм крестьян-фермер хуҗалыклары вәкилләре килде. Эш сәфәренең максаты кышкы чорда мөгезле эре терлекләрне ашату һәм карау буенча тәҗрибә уртаклашу иде. Бу турыда Түбән Кама муниципаль районы рәсми сайтында хәбәр ителә.

Очрашу Түбән Кама районының "Нефтехимагропром" һәм "Кармалы" агрофирмасында узды. Делегация терлек азыгы әзерләү һәм аны корпусларга тарату барышын карады.

 

"Сыйфатлы азык әзерләү басуларда аксым һәм углеводларга бай масса үстерүгә, шулай ук консервантлар кушып, тәүлек буе эшли торган траншеяларга силосны вакытында салу аша ирешелә", - диләр фермерлар.

Катнаш азык компонентлары, премикслар, коры кушылмалар махсус җайланма ярдәмендә барысы бергә кушыла. Җайланма хуҗалык рецептурасы буенча 5,5 тоннага якын балансланган рацион әзерли.

Кунаклар шулай ук терлекчелек биналарының вентиляторлар ярдәмендә җилләтелүенә дә игътибар итте.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10