ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Татар дөньясы

Истанбулда татар яшьләре беренче тапкыр күмәкләшеп бәлеш пешергән

24 октябрь 2019, 19:29 , Фото: Айгөл Галиуллина

Истанбулда татар яшьләре беренче тапкыр күмәкләшеп бәлеш пешергән Татар халык ашларын әзерләү буенча мастер-классны төрек милләте шеф-повары Ясин күрсәткән.

(Казан, 24 октябрь, “Татар-информ”, Зилә Мөбәрәкшина). Истанбулда Идел-Урал төркиләре җәмгыяте яшьләре беренче тапкыр күмәкләшеп бәлеш пешергән. Татар ашлары мастер-классын төрек милләтеннән Ясин исемле шеф-повар уздырган. Бу хакта “Татар-информ” хәбәрчесенә Төркия яшьләре бүлеге вәкиле Айгөл Галиуллина хәбәр итте.

“Безгә бәлешне татар мәдәниятен, гореф-гадәтләрен, татар телен яраткан төрек ясады. Безгә ул мастер-класс күрсәтте. Ул бәлеш кенә түгел, гөбәдия һ.б. татар халык ашларын пешерә белә. Ясин татар ашларын еш пешерә, татарча сөйләшергә дә ярата”, - диде ул.

Айгөл Галиуллина сүзләренчә, бәлеш пешерү кичәсендә бары тик татар телендә генә сөйләшү шарт булган. “Калфак һәм алъяпкыч таккан кызлар, түбәтәй кигән егетләр рәхәтләнеп татар җырларын җырлап, самовар куеп, кыстыбый да пешереп кунак булдылар. Барлыгы унбишләп кеше килде. Чараның төп оештыручысы - Идел-Урал төрекләре мәдәният һәм ярдәмләшү җәмгыяте рәисе Гөлтән Ураллы”, - диде ул.

Чарага татар мәдәнияте белән кызыксынган казах һәм төрек милләте кешеләре дә килгән.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10