ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Монополиягә каршы федераль хезмәт карабодайга бәя артуны тикшерә

24 октябрь 2019, 19:10

Монополиягә каршы федераль хезмәтнең Татарстан идарәсенә карабодайга бәя арту турында шикаятьләр булмаган.

(Казан, 24 октябрь, «Татар-информ», Әдилә Зыятдинова). Татарстанның монополиягә каршы федераль хезмәте идарәсе сәүдә челтәрләренә карабодай ярмасының кыйммәтләнүе турында барлыкка килгән мәгълүмат уңаеннан сорау җибәрде. Бу хакта ведомствоның матбугат хезмәтендә хәбәр иттеләр.

«Россиянең Татарстан буенча монополиягә каршы федераль хезмәте азык-төлек товарлары бәяләренә даими мониторинг үткәрә. Карабодай ярмасына бәяләр арту турындагы тиешле сораулар Татарстан Республикасы базарында эшчәнлек алып баручы сәүдә челтәрләренә җибәрелде», - дип хәбәр иттеләр «Татар-информ» корреспондентына.

Ведомствода шулай ук карабодайга бәя арту белән бәйле шикаятьләр хәзерге вакытта Монополиягә каршы федераль хезмәтенең Татарстан идарәсенә килмәде, диделәр.

Монополиягә каршы хезмәт үз вәкаләтләре кысаларында карабодай ярмасын сату базарындагы вазгыятьне күзәтеп торачак.

  • Элегрәк карабодай ярмасы белән тәэмин итүчеләр ваклап сату челтәрләренә бәяләрнең артуы турында хәбәр иткәннәр иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10