ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Мәдәният

Уфада Мостай Кәримнең ун томлык әсәрләр җыелмасы чыкты

24 октябрь 2019, 14:51

Басмага әдипнең моңа кадәр басылып чыккан әсәрләре дә, кулъязмаларда сакланган һәм әлегәчә дөнья күрмәгән әсәрләре дә кертелгән.

(Казан, 24 октябрь, «Татар-информ»). 28 октябрьдә Уфаның Мостай Кәрим исемендәге Милли Яшьләр театрында Мостай Кәримнең ун томлык әсәрләр җыелмасы тәкъдим ителәчәк. Бу хакта «Башинформ» агентлыгы хәбәр итә.

Башкортстанның халык шагыйре Мостай Кәримнең тууына 100 ел тулуга багышланган чарада язучылар һәм шагыйрьләр, җәмәгать эшлеклеләре, студентлар һәм укучылар катнаша.

Басмага әдипнең моңа кадәр басылып чыккан әсәрләре дә (проза, шигърият, драматургия, публицистика, көндәлекләр), кулъязмаларда сакланган һәм әлегәчә дөнья күрмәгән әсәрләре дә кертелгән. Беренче том – 2009 елда, унынчы том исә 2019 елда – шагыйрьнең тууына 100 ел тулу алдыннан нәшер ителгән. Һәр томның тиражы 2 мең данә тәшкил итә.

Тәкъдим итү кичәсен Зәйнәп Биишева исемендәге Башкортстан «Китап» нәшрияты һәм Мостай Кәрим исемендәге фонд оештыра. Кичә 15.00 сәгатьтә башлана. Керү ирекле.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10