ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Рәсми Татарстан

Татарстанда кече нефть компанияләре «кара алтын» чыгаруны арттырган

24 октябрь 2019, 12:34 , Фото: tatarstan.ru

Татарстанда кече нефть компанияләре «кара алтын» чыгаруны арттырган Татарстан Президенты кече нефть компанияләре җитәкчеләре белән 2019 елның тугыз аенда башкарылган эш нәтиҗәләренә багышланган киңәшмә үткәрде.

(Казан, 24 октябрь, «Татар-информ»). Татарстанның кече нефть компанияләре 2019 елның гыйнвар-сентябрь айларында 5 миллион 353 мең тонна «кара алтын» чыгарган. Бу 2018 елга караганда 10 мең тоннага диярлек артыграк. ТР Президенты Рөстәм Миңнеханов республика Хөкүмәте йортында узган киңәшмәдә шул хакта хәбәр итте.

Совещание с руководителями малых нефтяных компаний Республики Татарстан по вопросу "Об итогах деятельности малых нефтяных компаний Республики Татарстан за 9 месяцев 2019 года и задачах до конца 2019 года". Проводит Президент Республики Татарстан Р.Н. Минниханов.

Татарстан Президенты искәрткәнчә, быелның өченче кварталы нәтиҗәләре буенча республикада тулаем алганда нефть табу күләме 2,2 процентка арткан. Барлыгы 27,4 миллион тонна «кара алтын» чыгарылган, бу 2018 елга караганда 580 мең тоннага күбрәк. Әлеге күләмнең 5,3 миллион тоннасы кече нефть компанияләре өлешенә туры килә.

Совещание с руководителями малых нефтяных компаний Республики Татарстан по вопросу "Об итогах деятельности малых нефтяных компаний Республики Татарстан за 9 месяцев 2019 года и задачах до конца 2019 года". Проводит Президент Республики Татарстан Р.Н. Минниханов.

«Кече нефть компанияләре 122 миллиард сумлык продукция төяп озаткан. Алар эшчәнлеге нәтиҗәсендә барлык дәрәҗә бюджетларга 88 миллиард сум күләмендә салым күчерелгән. Бу республика территориясендә мобилизацияләнгән салым һәм салым булмаган керемнәр күләменең 11 проценты дигән сүз», - диде Рөстәм Миңнеханов. Нефть сәнәгатенең тотрыклы эшләве нәтиҗәсендә Татарстанда сәнәгый җитештерү индексы 101,3 процент тәшкил итә, дип өстәде ул.

Совещание с руководителями малых нефтяных компаний Республики Татарстан по вопросу "Об итогах деятельности малых нефтяных компаний Республики Татарстан за 9 месяцев 2019 года и задачах до конца 2019 года". Проводит Президент Республики Татарстан Р.Н. Минниханов.

ТР Президентының матбугат хезмәтендә искәртүләренчә, кече нефть компанияләре җитәкчеләреннән тыш, киңәшмәдә «Татнефть» компаниясе башлыгы Наил Маганов, Татарстан Президенты ярдәмчесе Шәфәгать Тәхаветдинов, республика министрлыклары һәм ведомстволары вәкилләре катнашкан.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10