ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Татар дөньясы

Казанда “Татсофт” тәрҗемә сервисы тәкъдим ителәчәк

23 октябрь 2019, 22:01 , Фото: архив/Ильнар Тухбатов

Казанда “Татсофт” тәрҗемә сервисы тәкъдим ителәчәк Белгечләр сүзләренчә, бүгенге көндә ул сыйфат ягыннан иң яхшы тәрҗемә программасы.

(Казан, 23 октябрь, “Татар-информ”, Зилә Мөбәрәкшина). 25 октябрь көнне “Сәләт” йортында Татарстан Республикасы Фәннәр академиясенең Гамәли семиотика институты белгечләре ясаган “Татсофт” машина тәрҗемәчесе киң җәмәгатьчелеккә тәкъдим ителәчәк. Бу хакта “Татар-информ” хәбәрчесенә КФУның гомуми һәм төрки тел белеме кафедрасы хезмәткәре хәбәр итте.

“Рус-татар машина тәрҗемәчесен булдыру Татарстан Республикасы дәүләт телләренең бертигез дәрәҗәдә эшләвен тәэмин итү өчен актуаль мәсьәләләрнең берсе. "Татсофт" - бүгенге көндә сыйфат ягыннан иң яхшы татарча тәрҗемә программасы. Аны әзерләгәндә заманча ясалма интеллект технологияләре кулланылган. Тәрҗемәченең сайты: http://translate.tatar”, - диде ул.

  • Хезмәткәр әйтүенчә, соңгы айларда “Татсофт” тәрҗемәчесе тарафыннан сайт белән эшләүнең югары сыйфатлы һәм җайлы булуы тикшерелгән. Татар телен өйрәнүче мәктәп укучылары һәм студентларында сайтка карата зур кызыксыну уянган.

“Үзебезнең интеллектуаль программа продуктларын булдыру алга таба тәрҗемәчене, татар теле үзенчәлеген максималь исәпкә алып, модификацияләргә һәм яхшыртырга, Татарстан Республикасы халкы, дәүләт учреждениеләре һәм дәүләт идарәсе тармаклары ихтыяҗлары өчен яңа сервислар һәм продуктлар булдырырга ярдәм итәчәк”, - диелде хәбәрдә.

Тәкъдим итү кичәсенә ТР Фәннәр академиясе, Иннополис Университеты һәм КФУ галимнәре, хезмәткәрләре, шулай ук дәүләт оешмалары вәкилләре, аспирантлар, студентлар һәм укучылар чакырылган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10