ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Фән һәм мәгариф

Татарстаннан 29 мәктәп Россиянең иң яхшы волонтер отрядлары рейтингына керде

23 октябрь 2019, 18:10 , Фото: mon.tatarstan.ru

Татарстаннан 29 мәктәп Россиянең иң яхшы волонтер отрядлары рейтингына керде Россиянең иң яхшы 500 волонтер отряды рейтингы төзелде.

(Казан, 23 октябрь, "Татар-информ"). Россия мәктәп укучылары хәрәкәтенең “Игелек каникулга китми” Бөтенроссия конкурсының “Игелекле старт” номинациясе җиңүчеләре билгеле. Республиканың  29 мәктәбе Россиянең иң яхшы волонтер отрядлары рейтингына керде. Бу турыда ТР Мәгариф һәм фән министрлыгы матбугат хезмәте хәбәр итте.

Бәйгегә бер меңнән артык гариза кабул ителгән. Конкурста 713 мәктәп волонтер отряды катнашкан, шуларның 71е Татарстаннан.

Экспертлар яшь волонтер эше программаларына бәя бирде һәм нәтиҗәләр буенча Россиянең иң яхшы 500 волонтер отряды рейтингы төзеде. Әлеге исемлеккә республикабызның 29 мәктәбе керде. Алар арасында Азнакай, Түбән Кама, Мамадыш, Нурлат, Лаеш, Буа, Яшел Үзән, Актаныш, Биектау, Алабуга, Спас, Сарман районнары, Казан һәм Яр Чаллы шәһәре укучылары бар.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10