ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада күп балалы ата авырлы хатынын буып үтергән һәм үзенә кул салган

23 октябрь 2019, 11:28

Ир белән хатынның бер, өч һәм дүрт яшьлек балалары калган.

(Казан, 23 октябрь, «Татар-информ»). Түбән Кама эшмәкәре йөкле хатынын буып үтергән һәм үз-үзенә кул салган. Бу хакта «Татар-информ»га үз чыганагы хәбәр итте.

Кичә кичке сәгать алтыда Химиклар проспектындагы йортларның берсендә 54 яшьлек ир 31 яшьлек хатынын буып үтерә, ә соңыннан үзенә кул сала.

Ир белән хатынның бер, өч һәм дүрт яшьлек балалары калган. Хатын дүртенче бала белән йөкле була. Билгеле булганча, бу вакытта ике балалары әбиләрендә, тагын берсе әнисенең апасында булган.

Чыганак мәгълүматлары буенча, ир-ат шәхси ташу эшләре белән шөгыльләнгән, хатыны белән бизнеслары уртак булган.

Бу факт буенча җинаять эше кузгатылды. Тикшерү ир-атның әлеге хәлгә китергән сәбәпләрен ачыкларга омтыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10