ҺАВА ТОРЫШЫ 0 oC

Яңалыклар

барлык хәбәрләр Татарстан Россия
×

Җәмгыять

Татарстанда Мәскәү вакытыннан баш тарту нәтиҗәләре турында сөйләделәр

23 октябрь 2019, 09:42

КФУ профессоры Татарстан территориясендә астрономия вакыты белән аерманы артык әһәмиятле түгел дип атады.

(Казан, 23 октябрь, «Татар-информ»). Мәскәү вакытыннан баш тарткан очракта Татарстанда тискәре нәтиҗәләр уңай нәтиҗәләргә караганда күбрәк булачак. Шул турыда КФУ Идарә, икътисад һәм финанслар институтының география һәм картография кафедрасы мөдире, профессор, география фәннәре докторы Михаил Панасюк хәбәр итте. Бу хакта «Челнинские известия» газетасы яза.

Тикшеренүче искәрткәнчә, республика территориясендә астрономик вакыт Мәскәүнекеннән якынча 40 минутка аерыла. «Бу аерма алай ук зур түгел», - диде ул.

Мәскәү вакыты буенча яшәүнең уңай яклары арасында Казан университеты профессоры башкала ритмы белән синхронизацияне атады - «ведомстволар эшенә, самолетлар һәм поездлар хәрәкәте расписаниесенә төзәтмәләр кертергә кирәкми», диде.

Өстәвенә, хәзерге катлаулы икътисади вазгыятьтә «вакыт үзгәреше кешеләрнең гадәтләрен боза торган һәм хәлне тагын да баланслаштырачак өстәмә фактор булачак», - дип өстәде Панасюк.

Шуңа бәйле рәвештә галим җирле вакыт турындагы мәсьәләгә сак карарга тәкъдим итте һәм Татарстан халкының чын теләкләрен ачыклау өчен масштаблы сораштыру үткәрү мөмкинлеген әйтте. «Җәмгыятьтә бу мәсьәләнең ни өчен вакыт-вакыт күтәрелүен аңламыйм», - дип йомгаклады ул.

Шул ук вакытта, басма фикеренчә, Мәскәү вакытыннан китү теләге кояш көннәре җитмәүгә бәйле булырга мөмкин. Башкалада елына уртача 114 көн аяз була, ә Татарстан территориясендә андый көннәр елына 73тән 86га кадәр генә туры килә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10