ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Казан көз көне сәяхәтләр өчен Россиянең иң матур шәһәрләре исемлегенә керде

22 октябрь 2019, 21:18 , Фото: архив

Казан көз көне сәяхәтләр өчен Россиянең иң матур шәһәрләре исемлегенә керде
 Россиялеләр көзге туристик сәфәрләр өчен илнең иң матур шәһәре дип Петербургны атаганнар.

(Казан, 22 октябрь, «Татар-информ»). Казан көз көне сәяхәтләр өчен туры килә торган Россиянең иң матур 3 шәһәре исемлегенә керде. Бу хакта сораштыру мәгълүматларына сылтама белән «ТурСтат» аналитик агентлыгы хәбәр итә.

Сораштырылучыларның 8 проценты Татарстан башкаласын Россия шәһәрләреннән көзге айларда иң матуры дип тапкан. Түбән Новгородка да россиялеләр шулкадәр үк үз тавышларын бирде.

Ил шәһәрләре арасында көзге матурлык буенча беренче урынны Санкт-Петербург алган, аның өчен сораштырылучыларның 26 проценты тавыш биргән. Икенче булып Калининград респондентларның 10 процент тавышын алган.

Моннан тыш, россиялеләр көз көне иң матурлар унлыгына илебезнең Мәскәү, Краснодар, Владивосток, Ростов-Дон, Бөек Новгород һәм Екатеринбург шәһәрләрен кертте. Рейтингның икенче унлыгын Иркутск, Сочи, Ялта, Ярославль, Вологда, Кострома, Псков, Севастополь, Сергиев Посад, Рязань һәм Красноярск тәшкил итте.

«Рейтинг, көзге ял көннәрендә нинди шәһәр иң матур һәм кызыклы, темасы нигезендә интернет-сораштыру нәтиҗәләре буенча төзелгән», – диделәр агентлыкта.
«Татар-информ» мәгълүмат агентлыгы элек Казанның Яңа елда ял итү өчен беренче урынга керүен хәбәр иткән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10