ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Путин Татарстан гаиләсен «Ата-ана даны» орден медале белән бүләкләде

22 октябрь 2019, 20:36 , Фото: скриншот видео из соц сетей

Путин Татарстан гаиләсен «Ата-ана даны» орден медале белән бүләкләде
Минзәлә районыннан Хуҗагалиевлар гаилә институтын ныгыту үрнәген күрсәтеп, дүрт бала тәрбияләп үстерәләр.

(Казан, 22 октябрь, «Татар-информ»). Россия Президенты Владимир Путин Россия Дәүләт бүләкләре белән бүләкләү турындагы указны имзалады. Бүләкләнүчеләр арасында Татарстанның Минзәлә районыннан күп балалы Гөлнар һәм Фәиз Хуҗагалиевлар гаиләсе дә күрсәтелде. Документ Россия хокукый мәгълүмат рәсми интернет-порталында басылып чыкты.

Хуҗагалиевлар гаиләсе дүрт бала тәрбияләп үстерә. 2016 елда гаилә башлыгы «Ел әтисе» Бөтенроссия конкурсында «Иң яхшы гаиләче» категориясендә катнашты.

Конкурска тәкъдим итү ролигында Гөлнар Хуҗагалиева ире тырышлыгы ярдәмендә улларының чын ир була белүләрен әйтте. «Синең ярдәмең белән алар иҗади, спорт яратучан, игелекле, акыллы, ачык кешеләр булып үсәләр», – диде ул.

«Ата-ана даны» ордены медале белән сәламәт яшәү рәвеше алып барган, балаларның физик, рухи һәм әхлакый үсеше турында кайгырткан, гаилә институтын ныгытуда үрнәк күрсәткән дүрт һәм аннан да күбрәк бала тәрбияләүче әти-әниләрне бүләклиләр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10