ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Хәвеф-хәтәр

Гүзәл Удачина әнисе чак кына үтерми калган малай язмышы турында сөйләде

22 октябрь 2019, 19:37 , Фото: Эльвира Мухаметдинова

Гүзәл Удачина әнисе чак кына үтерми калган малай язмышы турында сөйләде
 Балалар омбудсмены исән калган баланың кем белән калачагы турында бернинди шик юк, дип ышандырды.

(Чаллы, 22 октябрь, Эльвира Мөхәммәтдинова). Татарстан Республикасында Бала хокуклары буенча вәкаләтле вәкил Гүзәл Удачина әнисе чак кына үтерми калган алты яшьлек малай язмышы турында әйтте. Бу хакта ул Чаллыда гражданнарны кабул итү вакытында журналистларга сөйләде.

Удачина сүзләренчә, исән калган баланың кем белән калачагы турында бернинди шик юк.

«Малайның аның турында кайгыртырга сәләтле әтисе бар. Һәм, әлбәттә, баланың алга таба тормышын яхшырту буенча төп тырышлык аның үз гаиләсен саклап калуга юнәлдерелгән булырга тиеш. Шуңа күрә башка вариантлар каралмас дип уйлыйм», - диде балалар омбудсмены.

«Татар-информ» мәгълүмат агентлыгы элек 7 октябрьдә Чаллының 59нчы комплексындагы йортларның берсендә 32 яшьлек хатын кече улына пычак кадавын һәм өлкәнен каты яралаганын, ә аннары үз-үзен үтерергә омтылганлыгын хәбәр иткән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10