ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Дин

Татарстан мөфтие “Татарлар” тапшыруында кунакта булды

22 октябрь 2019, 19:14 , Фото: http://dumrt.ru

Татарстан мөфтие “Татарлар” тапшыруында кунакта булды Әңгәмәнең беренче минутларыннан сүз Коръән мәгънәләренең татар теленә тәрҗемәсе хакында барды.

(Казан, 22 октябрь, "Татар-информ"). Татарстан мөселманнары башлыгы Камил хәзрәт Сәмигуллин “Яңа гасыр” телеканалында чыгучы “Татарлар” тапшыруында кунакта булды. Тапшыруның авторы һәм алып баручысы Илдар Кыямовка хәзрәт шушы көннәрдә дөньяга чыккан “Кәлам Шәриф. Мәгънәви тәрҗемә” басмасы һәм Татарстан мөфтияте эшчәнлеге хакында сөйләде. Бу хакта Диния нәзарәте матбугат хезмәте хәбәр итте.

Бу турыда Диния нәзарәте матбугат хезмәте хәбәр итте.

Бу хакта тулырак: https://tatar-inform.tatar/news/2019/10/08/194967/

Әңгәмәнең беренче минутларыннан сүз Коръән мәгънәләренең татар теленә тәрҗемәсе хакында барды. Камил хәзрәт бу җитди хезмәтнең Мәскәүдә тәкъдим итү чарасында бик җылы һәм хуплап кабул ителүен сөйләде.

"Безнең бу хезмәткә читтән карашны ишетәсебезе килде, шуңа аны Россия башкаласында тәкъдим итәргә булдык, - диде Камил хәзрәт Сәмигуллин.

Тәфсир темасын мөфти: "Иң камил китап - бары Коръән генә. Безнең хезмәт тә камил түгел, хаталары булырга мөмкин, шуңа сезне аны безнең белән бергә камилләштерергә чакырам", - дип төгәлләде. 

Камил хәзрәт тапшыру кысаларында яшьләр сәясәте турында да сөйләп китте. Аның актив тормышка ашырылуын 1000 кешек волонтер хәрәкәте, мөселманнар өчен төрле форумнар, спорт ярышлары, ислам турында лекторийлар, яшьләр арасында гаилә кыйммәтләрен ныгытучы «I’MAN» һәм «Яшь килен» проектлары һәм башка башлангычлар дәлилли.

Нәзарәтнең тагын бер мөһим проекты - «Даруль ифта» call-үзәге дә тапшыруда игътибарсыз калмады. Рамазан аенда эшли башлаган бу телефон хезмәте әлегә Россиядә беренче федераль һәм түләүсез мөселман call-үзәге булып кала бирә. “Илебезнең төрле төбәкләреннән, хәтта Төньяк Кавказдан да дини сораулар белән мөрәҗәгать итәләр. Сорауларга төрле телләрдә Шәригать белгечләре җавап бирә”, - дип белдерде Камил хәзрәт.

Тапшыруда шулай ук Нәзарәтнең хәйрия эшчәнлеге һәм татар телен укыту программалары хакында да сүз кузгатылды. “Татарларның” мөфти хәзрәт катнашындагы чыгарылышы Мәүлид көне уңаеннан 8 ноябрь көнендә көтелә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10