ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Җәмгыять

Татарстанда ВИЧ таралышы Россия буенча уртача күрсәткечтән ике мәртәбә түбән

22 октябрь 2019, 13:52

2019 елның тугыз аенда ВИЧ-инфекциянең 808 яңа очрагы теркәлгән.

(Казан, 21 октябрь, “Татар-информ”, Гөлнар Гарифуллина). Татарстанда ВИЧ-инфекция таралышы 100 мең кешегә 361,2 нисбәтендә. Россия буенча уртача күрсәткечтән бу ике мәртәбә түбән (Россиядә 100 мең кешегә – 709,2). Бу хакта “Татар-информ” хәбәрчесенә СПИД һәм йогышлы авыруларны кисәтү һәм аларга каршы көрәш буенча республика үзәгенең профилактика бүлеге мөдире – табиб-эпидемиолог Лилия Мөхәммәтҗанова хәбәр итте.

2019 елның 1 октябренә булган мәгълүматлардан күренгәнчә, Татарстанда барлыгы 24622 ВИЧ очрагы теркәлгән. Шуларның 22417се – Татарстан кешесе. Бу, республикада ВИЧ- инфекция теркәлә башлаган вакыттан алып исәпләнә. Шул исәптән, 16259ы (66 процент) – ир-атлар, 8363е (34 процент) – хатын-кызлар.

“ВИЧ йоктырган 14083 кеше диспансер учетында тора, бу иректән мәхрүм итү урыннарында булучыларны да исәпкә алып. Безнең республикада ВИЧ таралышы 100 мең кешегә 361,2 нисбәтендә. Россия буенча уртача күрсәткечтән бу ике мәртәбә түбән (709,2). Олыларның 0,3 процентында ВИЧ авыруы бар. 30-49 яшьтәгеләрнең - 46 проценты”, - диелә Лилия Мөхәммәтҗанова хәбәрендә.

  • Табиб мәгълүматыннан күренгәнчә, 2016 елдан башлап, дүртенче ел рәттән республикада ВИЧ авыруының кимүе күзәтелә. Быел ул 8,8 процентка кимегән. Татарстанда әлеге күрсәткеч Россия буенча уртача күрсәткечтән кимрәк. 2019 елның тугыз аенда Татарстанда ВИЧның 808 яңа очрагы теркәлгән (бу күрсәткеч 100 мең кешегә 20,7 тәшкил итә). 2018 елның шушы ук вакытында 886 авыру кеше ачыкланган булган.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10