ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Икътисад

Эшмәкәрләр кредит буенча процентларын каплау өчен субсидиягә дәгъва итә алачак

22 октябрь 2019, 12:38

Субсидиягә гаризаны 15 ноябрьгә кадәр Икътисад министрлыгына тапшыру кирәк.

(Казан, 22 октябрь, “Татар-информ”, Гөлнар Гарифуллина). Бизнес вәкилләренә кредит буенча процентларны түләүгә субсидияләр тәкъдим ителә. Бу хакта Татарстан Хөкүмәте йортында брифингта Татарстан Республикасында Эшмәкәрлеккә ярдәм үзәге җитәкчесе Тимур Гомәров сөйләде.

Субсидия алу өчен шартлар: кредит килешүе 2017 елның 1 гыйнварыннан иртәрәк төзелмәве, бер елдан артыграк срокка рәсмиләштерелгән булуы шарт. Кредит суммасы 2,5 млн сумнан да ким булмаска тиеш. Кредит буенча процент өч елга 14,13 проценттан югары булмавы шарт.

“Бу ярдәм өч категория субъектларга тиешле. Сәнәгать парклары идарәче компанияләренә максималь субсидия 10 млн сум, режим объектлары мәйданчыкларына, экспортка йөз тоткан, эшкәртү производствосы, авыл, урман хуҗалыклары, балыкчылык өлкәсе эшмәкәрләренә 5 млн сум, эше закон тарафыннан тыелмаган башка бизнес вәкилләренә 3 млн сумга кадәр субсидия карала”, - диде Тимур Гомәров.

Субсидияләр инженер инфраструктурасы, производство биналары төзелеше, инвестицион проектларны гамәлгә ашыру өчен бирелә. Тимур Гомәров искәрткәнчә, салым, хезмәт хакы түләү чыгымнары субсидияләнми.

  • Субсидия ярдәменә гаризаны 15 ноябрьгә кадәр Икътисад министрлыгына тапшыру кирәк. 236-29-96 номеры буенча шалтыратып, тулырак белешергә мөмкин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10