ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Икътисад

Быел тугыз ай нәтиҗәләре буенча үзмәшгульләрнең күпме салым түләгәне билгеле

22 октябрь 2019, 12:05

Хәзер республикада 37 меңнән артык үзмәшгуль теркәлгән.

(Казан, 22 октябрь, “Татар-информ”, Гөлнар Гарифуллина). 2019 елның тугыз ае нәтиҗәләре буенча Татарстанда үзмәшгульләр 51 млн сумга якын салым түләгән. Бу хакта бүген ТР Министрлар Кабинетында брифингта билгеле булды.

  • Хәзер республикада 37 меңнән артык үзмәшгуль теркәлгән. Аларның 83 проценты элек үз эшчәнлекләрен берничек тә теркәмәгән һәм салым түләмәгән булган. Үзмәшгульләр булып РФ гражданнары теркәлә ала. 37 мең кешенең 4 меңе күрше төбәкләрдән.

Икътисад министрының беренче урынбасары Рөстәм Сибгатуллин сүзләренчә, үзмәшгульлек аеруча транспортта пассажир ташучылар, матурлык индустриясе, туклану продуктлары һәм башка төрле хезмәтләр күрсәтү өлкәләрендә киң таралган.

Рөстәм Сибгатуллин республикада 300 меңгә якын кеше “соры” бизнеста мәшгуль булуын әйтте. “Ел башында аена якынча 1 мең кеше үзмәшгуль булып теркәлсә, хәзер соңгы айларда 5-6 мең кеше теркәлә. Әкренләп 60 мең санына җитәрбез”, - диде ул.

Брифингта, илкүләм проект кысаларында, үзмәшгульләргә бизнес алып бару өчен шартлар яхшыруы турында да искәртелде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10