ҺАВА ТОРЫШЫ -1 oC

Яңалыклар

барлык хәбәрләр Татарстан Россия
×

Хәвеф-хәтәр

Башкортстанда апасын суйган миллионер төрмәдә утырмаячак

22 октябрь 2019, 03:19 , Фото: kiziltan.rbsmi.ru

Башкортстанда апасын суйган миллионер төрмәдә утырмаячак Айнур Әбделнасыйровны клиникага мәҗбүри дәвалануга җибәрәчәкләр.

(Казан, 22 октябрь, "Татар-информ"). Инглиз телен өйрәнү буенча бик популяр LinguaLeo кушымтасын уйлап табучы Айнур Әбделнасыйров, Дүртөйлегә кайткач, бертуган апасына пычак кадаган. Бу турыда "Кызыл таң" газетасы яза.

Аның 47 яшьлек туганы шизофрения белән интеккән һәм гомере буе әнисе белән яшәгән. Ул көнне әнисе кибеткә китә, Айнурга туганын карап торырга куша. Әйләнеп кайтканда коточкыч күренешкә тап була: йорт янында ашыгыч ярдәм машинасы, кызының канга баткан гәүдәсе һәм аның янында Айнур басып тора. Полиция егетне кулга ала.

Тикшерү вакытында Айнурның да психикасы тәртиптә булмавы ачыкланган. Берничә экспертиза аның "үз гамәлләренең куркыныч булуын аңлап бетермәвен " күрсәткән. Егетнең үз-үзен дөрес тотмау билгеләре 2013 елда ук күренә башлаган.

Тикшерү барышында аның үз-үзен белештермичә пычак белән ташланганлыгы ачыклана. Төрмәгә утырту урынына Айнур Әбделнасыйровны клиникага мәҗбүри дәвалануга җибәрәчәкләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10