ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Хәвеф-хәтәр

Бер тәүлектә Әлмәттә яшәүче биш кешене алдаганнар

22 октябрь 2019, 07:08 , Фото: архив/Салават Камалетдинов

Бер тәүлектә Әлмәттә яшәүче биш кешене алдаганнар Аферистлар барлыгы 430 мең сум күләмендә акча үзләштергән.

(Әлмәт, 21 октябрь, "Татар-информ", "Әлмәт таңнары"). Бер тәүлектә Әлмәт полиция бүлегенә бер банкның биш клиенты мөрәҗәгать иткән. Бу турыда "Әлмәт таңнары" газетасы хәбәр итә.

Алар барысы да мошенниклар корбаны булган. Шалтыратучылар үзләрен банк хезмәткәрләре итеп таныштырып, акчаларын саклап калу өчен клиентларга акчаларны башка счетка күчерергә тәкъдим иткән. Аферистлар барлыгы 430 мең сум күләмендә акча үзләштергән.

"Банк белгечләре беркайчан да телефон аша клиент картасының номерын, кодын, гамәлдә булу вакытын һәм пин-кодны сорамый. Әгәр карта мәсьәләсендә сорауларыгыз туган очракта, кичекмәстән банк бүлекчәсенә мөрәҗәгать итегез”, - дип кисәтә Эчке эшләр министрлыгының Әлмәт районы буенча бүлеге.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10