ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Татар дөньясы

Эльвира Камалова татар музыкасында комсомолга багышланган мөнәҗәт барлыгын әйтте

21 октябрь 2019, 21:20 , Фото: Салават Камалетдинов

Эльвира Камалова татар музыкасында комсомолга багышланган мөнәҗәт барлыгын әйтте “Комсомол мөнәҗәте” җырының авторы – татар композиторы Солтан Габәши.

(Казан, 21 октябрь, “Татар-информ”, Зилә Мөбәрәкшина). ТР Заманча сәнгать галереясе җитәкчесе, музыка белгече Эльвира Камалова татар музыкасы тарихында комсомолга багышланган мөнәҗәт барлыгын әйтте. Бу хакта ул TAT CULT LAB музыка лабораториясендә сөйләде.

“Күренекле татар композиторы Солтан Габәши үзенчәлекле фикерләве белән аерылып торган. Фантазиясенең иркен һәм иксез-чиксез булуы таң калдырган. Мәсәлән, ул Уфаның “Галия” һәм Казанның “Мөхәммәдия” мәдрәсәләрен тәмамлап, искиткеч белемгә ия була. Егерменче елларда ул “Комсомол мөнәҗәте”н иҗат итә. Бу бөтенләй башка сыймаслык очрак! Мин әле моның асылын һаман да аңлый алмыйм", - дип сөйли ул. 

Эльвира Камалова композиторның әлеге әсәрне язу максаты сәясәткә бәйле, йә булмаса егерменче-утызынчы еллардагы вакыйгаларга ышану яисә “троллинг” булырга мөмкин, ди. “Монда өч вариант та була ала. Әмма комсомолга багышланган җырның язылуы – чыннан тарихи факт. Аны беркем дә беркайчан башкармаган, ул бары тик кулъязма рәвешендә генә саклана. Габәшинең 90 процент әсәре кулдан язылган килеш тора”, - ди ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10