ҺАВА ТОРЫШЫ -1 oC

Яңалыклар

барлык хәбәрләр Татарстан Россия
×

Икътисад

2020 елда Россиядә эшсезлек күрсәткечләре быелгы дәрәҗәдә сакланачак

21 октябрь 2019, 12:06

Россия компанияләренең һәр унынчысы диярлек киләсе елда хезмәткәрләр штатын кыскартырга ниятли.

(Казан, 21 октябрь, «Татар-информ»). Хәзерге вакытта хезмәт базарының хәле тотрыклы, 2020 елда эшсезлек күрсәткечләре агымдагы дәрәҗәдә сакланачак. Бу хакта ТАСС агентлыгы РФ Хезмәт һәм социаль яклау министрлыгына сылтама белән хәбәр итә.

Ведомствода искәртеп үтүләренчә, эш бирүчеләр мәшгульлек хезмәте органнарына 1,7 миллион вакансия хакында белдергән.

«Оператив мониторинг мәгълүматларыннан күренгәнчә, мәшгульлек хезмәте органнарында теркәлгән эшсез гражданнар саны 2019 елның 1 октябренә 662,2 мең кеше, шул ук датага теркәлгән эшсезлек дәрәҗәсе 0,9 процент тәшкил иткән», - диелә матбугат хәбәрендә.

Моңа кадәр эш һәм хезмәткәрләр эзләү буенча HeadHunter сервисы Россия компанияләренең 150гә якын вәкиле арасында сораштыру үткәргән. Аның нигезендә аларның һәр унынчысы диярлек киләсе елда хезмәткәрләр штатын кыскартырга ниятли.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10