ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Җәмгыять

Диетологлар бөтенләй ашарга ярамаган ризыкларны атады

20 октябрь 2019, 16:54

Чистартылган оннан әзерләнгән ризыклар шактый зыян салырга мөмкин.

(Казан, 20 октябрь, “Татар-информ”). Испания диетологлары хәтта аз гына күләмдә дә ашарга ярамаган ризыкларны атады. Бу хакта La Vanguardia газетасына сылтама белән РИА Новости яза.

Аерым алганда, чистартылган оннан эшләнгән ризыкларны куллану зыян салырга мөмкин. Бу ризык кандагы глюкоза күләменең кисәк күтәрелүенә һәм төшүенә китерә. Бу исә диабет барлыкка китерә, дип сөйләде Кастельона Пилар Эскердагы “Гасма” мәктәбе профессоры.

Икенче белгеч Мария Мерино сүзләренчә, “бөртекле культураларны эшкәрткәндә клетчатка һәм башка туклыклы матдәләр чүпкә китә”.

Табиблар шулай ук колбасаларны да кулланмаска куша. Чөнки аларда бик күп күләмдә крахмал һәм башка кушылмалар бар. Шулай ук майсыз сөт ризыкларыннан да баш тартырга кушалар. Тикшерүләр күрсәткәнчә, аларда шикәр бар һәм гадәти сөт ризыкларына караганда туклыклы түгел.

Моннан тыш, диетологлар ярымфабрикатлар, снеклар, камыр ризыклары, алкоголь һәм эшкәртелгән ит тә ашамаска киңәш итә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10