ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Хәвеф-хәтәр

Казанда бер укучы Марий Эл төзүчеләренең 290 меңлек эш коралын урлаган

20 октябрь 2019, 14:09

20 яшьлек егет һәм 16 яшьлек яшүсмер Һади Такташ урамында төзүчеләрнең “бытовка”сын талаган.

(Казан, 20 октябрь, “Татар-информ”). Казанда мәктәп укучысы үзенең иптәше белән Марий Эл төзүчеләренең 290 меңлек эш коралларын урлаган. Бу хакта Татарстан Эчке эшләр министрлыгының матбугат хезмәте хәбәр итә.

Төзелеш компаниясендә прораб булып эшләүче 29 яшьлек егет сөйләвенчә, билгесез кешеләр Һади Такташ урамындагы “бытовка”ның элмә йозагын ватып кергән һәм андагы коралларны урлаган.

Полиция тикшерү уздырып җинаятьчеләрнең эзенә чыккан. Алар беркайда да эшләмәүче 20 яшьлек егет һәм Вахитов районыннан 16 яшьлек мәктәп укучысы булган. Укучы егет элегрәк хөкем ителгән булган.

Тикшерү вакытына егетләрдән яшәгән җирдән китмәү турында имза алганнар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10