ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Икътисад

Пенсия фондында иртәрәк пенсиягә чыгу ысулы турында сөйләделәр

20 октябрь 2019, 13:44 , Фото: архив/Салават Камалетдинов

Пенсия фондында иртәрәк пенсиягә чыгу ысулы турында сөйләделәр Мондый мөмкинлек билгеле бер яшьтә эш таба алмаганда барлыкка килә.

(Казан, 20 октябрь, “Татар-информ”). Эшкә урнашу мөмкинлеге булмаса, Россия гражданнары тиешле вакыттан иртәрәк пенсиягә чыга ала. Бу турыда Россия Пенсия фондында сөйләделәр дип яза “Российская газета”.

Әлеге мөмкинлек пенсия яшенә ике ел кала, күчеш яшен исәпкә алып барлыкка килә. “Кешенең эш таба алмавын мәшгульлек үзәге раслый”, - дип аңлаттылар Пенсия фондында.

2019 һәм 2020 елларда пенсиягә чыгу яше хатын-кызлар өчен 55,5 һәм ир-атлар өчен 60,5 яшь. Ә кайбер категория гражданнар өчен, мәсәлән авыр һәм зарарлы җитештерүдә эшләүчеләр өчен ул түбәнрәк.

Агымдагы елның 1 июленә булган мәгълүматларга караганда, Россиядә 23,5 мең кеше эшкә урнаша алмау аркасында иртәрәк пенсиягә чыккан. Киләсе елда мондый гражданнарга пенсия түләү өчен 4,4 млрд, 2021 елда – 5,6 млрд, 2022 елда – 6,4 млрд сум акча тоту планлаштырыла, диделәр Пенсия фондында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10