ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Татар дөньясы

Әтнә районында яшәүче 300 кеше "Татарча диктант" акциясенә кушылды

20 октябрь 2019, 04:00

Диктант текстын Әтнә шагыйрәсе, Татарстан Язучылар берлегенең популяр шагыйрәсе Гөлүсә Батталова укыды.

(Әтнә, 20 октябрь, "Татар-информ", "Әтнә таңы", Сүрия Мингатина). Әтнә районында яшәүче 300 кеше татарча диктант язды. Бу турыда район басмасы хәбәр итә.

Татарча диктант язарга теләүчеләр күп булганлыктан берничә аудитория билгеләнде. Мәктәпләрдә парта арасына утыручылар да, Г.Тукай исемендәге Әтнә авыл хуҗалыгы техникумы китапханәсенең уку залы да файдаланылды.

Диктант текстын Әтнә шагыйрәсе, Татарстан Язучылар берлегенең популяр шагыйрәсе Гөлүсә Батталова укыды. Ә текст итеп Роберт Миңнуллинның "«Мин кулыма китап алам" әсәре алынган иде.

Диктант язарга керешкәнче, районның яшьләр эше, спорт һәм туризм бүлегенең әйдәп баручы белгече Миләүшә Гарипова безгә бу акциягә кушылуыбыз өчен рәхмәт әйтеп, уңышлар теләде. "Әтнә таңы" газетасы редакторы, Бөтендөнья татар конгрессының район бүлекчәсе җитәкчесе Гөлнар Мөхәмәдҗанова махсус бланкны ничек тутырырга икәнлеген өйрәтте.

— Диктантның нәтиҗәсе diktant.tatar сайтына урнаштырылачак. Диктант язган кешеләр, менә шушы сайтка кереп, үзләренең кодлары аша белем дәрәҗәсен билгели алачак, — дип тә әйтте.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10