ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Татар дөньясы

Буа районының 22 мәйданчыгында татарча диктант акциясе узды

19 октябрь 2019, 23:46

Буа районының 22 мәйданчыгында татарча диктант акциясе узды Катнашучылар арасында рус һәм чуваш милләтеннән дә вәкилләр бар иде.

(Казан, 19 октябрь, "Татар-информ"). Бүген, 19 октябрь көнне, Татарстан Республикасы Буа районының 22 мәйданчыгында татарча диктант акциясе узды. Белем тикшерү акциясенә килүчеләргә Р. Миңнуллинның «Мин кулыма китап алам» тексты буенча диктант яздырылды. Бу турыда Бөтендөнья татар конгрессы матбугат хезмәте хәбәр итә.

Əлеге чарада 1500 кеше катнашты. Диктант язучының иң яшенә — 11, иң өлкәненә 80 яшь. Катнашучылар арасында рус һәм чуваш милләтеннән дә вәкилләр бар иде.

"Диктант язуда кыенлыклар тумады. Килүчеләрнең күбесе үзләренең белемнәрен сынап карарга теләүләрен әйттеләр. Профессияләре буенча юристлар, тәрбиячеләр, шәфкать туташлары, гади эшчеләр татар теле буенча үз белемнәрен сынадылар, киләсе елда да бу акциядә катнашырга теләкләре булуны җиткерделәр" — дип хәбәр итте Буа районындагы оештыручылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10