ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Икътисад

Казан мэриясе иң кыйммәтле бодай икмәге Россиядә дигән мәгълүматны кире какты

19 октябрь 2019, 10:27 , Фото: Александр Эшкинин

Казан мэриясе иң кыйммәтле бодай икмәге Россиядә дигән мәгълүматны кире какты
Татарстан башкаласында ипигә бәяләр миллион кеше яши торган дүрт шәһәр белән чагыштырганда түбәнрәк.

(Казан, 19 октябрь, «Татар-информ»). Казан Башкарма комитетында «Эвотор» IT-компаниясенең тикшеренүен тәнкыйтьләделәр. Алар Россиядә бодай ипие иң кыйммәтле дип нәтиҗә чыгарган. Бу хакта Казан мэриясенең матбугат хезмәтендә хәбәр иттеләр.

«Ипигә бәя арту базар һәм җитештерү вазгыятен чагылдырмый», - диделәр шәһәр мэриясендә.

Статистика органнары мәгълүматлары буенча, миллион кеше яши торган 13 шәһәр арасында арыш-бодай ипиенә бәя буенча Казан бишенче урында (43,62 сум), иң югары бәя Новосибирск (72,92 сум), Екатеринбург (60,89 сум), Чиләбе (55,59 сум) шәһәрләрендә, иң арзаны Волгоградта (39,38 сум) һәм Воронежда (41,41 сум).

Казанның икмәк-күмәч әйберләре җитештерүче алдынгы азык-төлек предприятиеләре мәгълүматлары буенча, «Сельский» ипие 30,7 сум, «Бодай» ипие 31,95 һәм «Дарницкий» 28,92 сум тора..

«Җирле үзидарә органнары азык-төлек продуктларына бәя куюга йогынты ясарга хокуклы түгел. Аларның бәясе коммерция структуралары тарафыннан мөстәкыйль билгеләнә, товар сатып алу һәм логистика, салым һәм башка чыгымнарга карап билгеләнә», — диделәр мэриядә.

  • «Татар-информ» ТР Авыл хуҗалыгы һәм азык-төлек министрлыгы аналитикларның дөрес тикшермәвен, ә республикада бодай икмәгенә бәяләр Самара, Түбән Новгород һәм Киров өлкәләре, шулай ук Чувашстан Республикасындагы бәяләрдән түбәнрәк булуын хәбәр иткән иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10