ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Дин

Мөфти Тәлгать Таҗетдин уку йортларында әхлак дәресләре кертергә тәкъдим итә

18 октябрь 2019, 20:01 , Фото: архив/Владимир Васильев

Мөфти Тәлгать Таҗетдин уку йортларында әхлак дәресләре кертергә тәкъдим итә
Тәлгать Таҗетдин фикеренчә, халык әхлакый башлангычка инанмаса, Россия бөек дәүләт булла алмас иде.

(Казан, 18 октябрь, «Татар-информ»). Россия мөселманнарының Үзәк Диния нәзарәте башлыгы мөфти Тәлгать Таҗетдин мәктәпләрдә һәм югары уку йортларында әхлак дәресләре кертергә тәкъдим итте. Бу турыда «Интерфакс» хәбәр итә.

«Аллаһка шөкер, хәзер мәктәп программасында традицион конфессияләр культурасы нигезләре бар. Әмма әхлак дәресләрен дүртенче сыйныфта гына түгел, урта мәктәптә дә һәм югары уку йортларында да кертергә иде», - диде мөфти Мәскәүдә Бөтендөнья рус халык соборында.

Тәлгать Таҗетдин фикеренчә, халык әхлакый башлангычка инанмаса, Россия бөек дәүләт була алмас иде.

«Аллаһка шөкер, безнең ил - бөек держава, һәм бу барысына да исбатланган, моңа беркем дә шикләнә алмый. Якын Көнчыгышта да, бөтен дөньяда да агрессиягә каршы торырлык нәрсәләр бар. Ләкин бөеклек - ул төймәләр һәм корал гына түгел, боларның барысына да чыдар өчен көчле рух булырга тиеш», - диде мөфти һәм балаларга рухилык һәм әхлак нигезләрен өйрәтергә өндәде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10