ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Фән һәм мәгариф

Марат Әхмәтов “Авыл укытучысы” конкурсын хуплавын әйтте

18 октябрь 2019, 14:40 , Фото: Султан Исхаков

Марат Әхмәтов “Авыл укытучысы” конкурсын хуплавын әйтте “Киләчәктә аны дәвамлы итеп, ярдәм күрсәтергә әзер”, - ди Дәүләт Советы Рәисе урынбасары.

(Казан, 18 октябрь, “Татар-информ”, Зилә Мөбәрәкшина). Татарстанның Дәүләт Советы Рәисе урынбасары Марат Әхмәтов “Мәгариф” журналы үткәргән “Авыл укытучысы” конкурсын хуплавын әйтте. Бу хакта ул Татарстан укытучылары белән Дәүләт Советында үткән очрашуда сөйләде.

“Мәгариф” журналының “Авыл укытучысы” проектын хуплыйм. Киләчәктә аны дәвамлы итеп, тагын да киңрәк ярдәм күрсәтергә әзербез”, - диде ул.

Марат Әхмәтов халыкны республикабызда гыйлемле һәм мәгърифәтле итүдә мәктәпнең һәм укытучыларның роле алыштыргысыз һәм бәхәссез икәнен әйтте. “Авыл җиренең киләчәге өметле булсын өчен дөрес мәктәп һәм укытучы булырга тиеш. Аны авылда алыштыргысыз интеллигенция вәкиле буларак авылның тануы, кабул итүе дә кирәк. Президент еллык юлламасында да дөрес әйтте: “Укытучы мәктәпне мәктәп итә”, - диде ул.

“Укытучыга мөнәсәбәт үзгәрде. Бала да, җәмгыять тә аны яшәү үрнәге буларак кабул итми башлады. Югыйсә, тормыш өлгесе булып, җан атып эшләүче укытучыларыбыз бихисап. Бүгенге заман укытучыга зуррак таләпләр куя. Икенче яктан карасак, бүгенге көндә укытучыга алдынгы булу өчен ныграк тырышырга, күбрәк эзләнергә кирәк”, - диде Марат Әхмәтов.

Дәүләт Советы Рәисе урынбасары әти-әниләр белән эшләүне дә җитди проблема булуын атады. “Балаңны калдырып китеп кенә син аннан кеше яса, дип әйтү – аңлашылмый. Катлаулы мөнәсәбәт кысаларында да укытучыга үзенең язмышына хыянәт итмичә үз-үзен табарга туры килә”, - дип билгеләп үтте ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10