ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Икътисад

Россия халкы йомырканы еллык нормадан артыграк ашый

18 октябрь 2019, 10:50

Кытайда йомырканы тагын да күбрәк кулланалар.

(Казан, 18 октябрь, «Татар-информ»). Россиядә яшәүчеләр йомырканы еллык нормадан сигез процентка артыграк куллана. Бу хакта Forbes журналы Sberbank СIB аналитиклары хисабына сылтама белән хәбәр итә.

Россиялеләр елына уртача алганда 280 йомырка (тәкъдим ителгән норма – 260 данә) ашый икән. Соңгы 10 елда илдә әлеге продуктны куллану елына уртача алганда бер процентка арткан, дип искәртә аналитиклар.

Кытайда исә йомырканы тагын да күбрәк (елына бер кешегә 300 данә) кулланалар.

Узган елда Россиядә 44,9 миллиард данә йомырка җитештерелгән. Фаразлар буенча, 2024 елга әлеге продуктны җитештерү күләме тагын чама белән өч миллиард данәгә артачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10