ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Дин

Мөфти: Бүгенге вакыйга - Мәскәүдә татарча китапны тәкъдим итүнең беренче очрагы

17 октябрь 2019, 17:39 , Фото: Султан Исхаков/архив

Мөфти: Бүгенге вакыйга - Мәскәүдә татарча китапны тәкъдим итүнең беренче очрагы Камил Сәмигуллин сүзләренчә, моңарчы Мәскәүдә татарча китап беркайчан да тәкъдим ителмәгән.

(Мәскәү, 17 октябрь, "Татар-информ", Алсу Исмәгыйлева). Татарстан мөфтие Камил Сәмигуллин Коръән мәгънәләренең татарча тәрҗемәсе басмасын Мәскәүдә тәкъдим итүне тарихи вакыйга дип атады. Аның сүзләренчә, моңарчы Мәскәүдә татар китабы тәкъдим ителмәгән. Бу - беренче очрак.

"Без интернетта да эзләп карадык, андый очракны бүтән тапмадык", - диде мөфти.

Камил Сәмигуллин Коръән мәгънәләренең татарчасын Мәскәүдә тәкъдим итүнең әһәмияткә ия булуын әйтте. "Мәскәү - безнең башкалабыз", - дип аңлатты ул.

Татарстан мөфтие шундый ук басманың рус телендә дә әзерләнүен әйтте. Русча басма алданрак әзер булса да, беренче итеп татарча китапны тәкъдим итәргә уйлаганнар. "Без Татарстан Диния нәзарәте, татар теле безнең өчен бик мөһим", - диде ул.

Коръән мәгънәләренең татар теленә  тәрҗемәсе – «Кәлам Шәриф. Мәгънәви тәрҗемә» басмасы бүген Мәскәүдә Татарстан Республикасының Тулы вәкаләтле вәкиллегендә дин әһелләре һәм татар җәмәгать эшлеклеләре катнашында тәкъдим ителде. 760 битле басма "Хозур" нәшриятында 1000 данәдә басылып чыккан.

Фундаменталь хезмәт ТР мөселманнары Диния нәзарәте тарихында Коръән мәгънәләренең үзе әзерләгән беренче тәрҗемәсе булып тора, ул Татарстанда  игълан ителгән Коръән тәфсире елы кысаларында дөнья күрде.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10