ҺАВА ТОРЫШЫ -11 oC

Яңалыклар

барлык хәбәрләр Татарстан Россия
×

Хәвеф-хәтәр

Чабаксарда троллейбус белән авариядә 26 кеше имгәнгән

16 октябрь 2019, 17:47

Троллейбус йөртүчесенең аягын көзән җыерган һәм ул идарә итә алмаган.

(Казан, 16 октябрь, «Татар-информ»). Чабаксар шәһәрендә троллейбус баганага бәрелгән, 26 кеше зыян күргән. Бу турыда Чувашстан Республикасы башлыгы администрациясе матбугат хезмәтенә сылтама белән РИА Новости хәбәр итә. 

Юл-транспорт һәлакәте Трактор төзүчеләр проспектында булган. ЮХИДИнең төбәк идарәсе мәгълүматлары буенча, троллейбус йөртүчесенең аягын көзән җыерган һәм ул идарә итә алмаган.

Зыян күрүчеләрне, шул исәптән җиде балигъ булмаган баланы хастаханәгә озатканнар. Алар җиңелчә имгәнгән.

Авария урынында тугыз ашыгыч ярдәм бригадасы һәм психологлар эшли.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10