ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Татар дөньясы

«Татар табыны» бәйгесенә милли ризык рецептлары кабул ителә

16 октябрь 2019, 17:34 , Фото: архив/Рамиль Гали

«Татар табыны» бәйгесенә милли ризык рецептлары кабул ителә Рецептларны #татартабыны2019 хештегы белән инстаграмга, яисә вконтакте сәхифәсенә урнаштырырга кирәк.

(Казан, 16 октябрь, "Татар-информ"). 7 октябрьдә башланган «Татар табыны» конкурсына иң тәмле милли ризыкларның рецептлары кабул ителә. Бу турыда Бөтендөнья татар конгрессы матбугат хезмәте хәбәр итте.

Бөтендөнья татар конгрессы сайты, “Татарлар” газетасы һәм “Тәмле булсын!” рестораннар челтәре директоры, Халыкара Ассоциациясе Президенты Ризидә Хөсәенова белән берлектә, “Татар табыны” конкурсын үткәрә.

Рецептларны  #татартабыны2019 хештегы белән инстаграмга, яисә вконтакте сәхифәсенә урнаштырырга кирәк. @tamle_bulsyn, @tatarlar_kongress, @gulnazshayhi , @endzhe06, @alsu5zinurova аккаунтларына да язылу кирәк. Конкурс 1 ноябрьгә кадәр дәвам итәчәк.

Оештыручылар 15 финалистны сайлап ала. Финалистларның эшләре 11 ноябрьдә иртәнге сәгать тугызда сайтка куела. Алар арасыннан җиңүчеләр тавыш бирү юлы телән билгеләнә. Тавыш бирү 18 ноябрьдә иртәнге сәгать тугызда туктатыла. Гран-при иясен финалистлар арасыннан оештыручылар сайлый. Нәтиҗәләр ясау һәм бүләкләүләр тантанасын соңрак хәбәр ителәчәк.

"Хуҗабикәләр якыннары яратып ашый торган популяр ризыкларны фотога, яисә видеога төшереп җибәрә. Рецептларын тәфсилләп яза. Катнашучылар арасында көн саен диярлек үз рецептлары белән уртаклашучылар бар. Иң популяр ризыклар, әлбәттә, камырдан ясалган. Безнең татар халкы өчпочмак, гөбәдия, кош теле, кыстыбыйдан башка үз табынын күз алдына да китерә алмый", диелә хәбәрдә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10