ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда инспекторлар юлда ватылып калган «КАМАЗ» йөртүчесенә ярдәм иткән

16 октябрь 2019, 16:52 , Фото: Госавтоинспекция РТ

Татарстанда инспекторлар юлда ватылып калган «КАМАЗ» йөртүчесенә ярдәм иткән
Автоинспекторлар ватык йөк машинасын автосервиска алып барырга ярдәм иткән.

(Казан, 16 октябрь, «Татар-информ»). Татарстанда ЮХИДИ инспекторлары юлда ватылып калган «КАМАЗ» йөртүчесенә ярдәм иткән. Бу турыда республика Дәүләт автоинспекциясендә хәбәр иттеләр.

«Казан – Оренбург – Балык Бистәсе юлында Дәүләт автоинспекциясе хезмәткәрләре полиция майоры Айрат Исмәгыйлев белән полиция өлкән лейтенанты Ришат Фәттахов юл кырыенда Чистай кешесе идарәсендәге «КАМАЗ» йөк автомобилен күреп алган», – дип сөйләделәр ЮХИДИендә.

Йөк машинасы йөртүчесе автомобиле ватылуы турында сөйләгән. ЮХИДИ инспекторлары узгынчы йөк машинасын туктатып, ватык автомобильне автосервиска алып барганнар. Анда машинаны ремонтлаганнар.

«КАМАЗ» йөртүчесе ЮХИДИ инспекторларына рәхмәт әйткән һәм юлын дәвам иткән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10