ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Киләсе атна башыннан Татарстанга аномаль җылы киләчәк

16 октябрь 2019, 16:34 , Фото: архив/Михаил Захаров

Киләсе атна башыннан Татарстанга аномаль җылы киләчәк
Дүшәмбе, 21 октябрьдә һава 13 градуска кадәр җылыначак.

(Казан, 16 октябрь, «Татар-информ» ). Киләсе атна башында Татарстанда аномаль җылы булачак. Бу хакта КФУның метеорология, климатология һәм атмосфера экологиясе кафедрасы мөдире Юрий Переведенцев сөйләде. Бу турыда югары уку йортының матбугат хезмәте хәбәр итә.

Якын көннәрдә температура төшәчәк, диде галим Россия Гидрометеорология үзәге фаразына сылтама белән. Иртәгә, 17 октябрьдә, көндезге сәгатьләрдә һава температурасы +9 градустан артмаячак, вакыты белән яңгыр явачак.

18 октябрьдә дә кыска вакытлы яңгыр яварга мөмкин. Һава температурасы көндез 8 градустан артмаячак. Ә шимбә көнне, 19 октябрьдә, көндез һава температурасы + 5 градус кына булачак.

Әмма якшәмбе көнне температура күтәрелә башлаячак. «Көньяк ташкыннар җылы һава алып киләчәк: көндез +9, төнлә +8 градус булачак. Фаразлар буенча, киләсе дүшәмбе тагын да җылырак булачак – +13 һәм +10, бу аномаль», – дип аңлатты КФУ профессоры.

Юрий Переведенцев сүзләренчә, әлегә Казанда тәүлеклек һава температурасы нормадан бераз түбәнрәк – 4,8 градус урынына 3-3,5 градус җылы булачак. Бүген иртән Татарстан башкаласында термометр баганалары +2,8 градуска кадәр төште. Өстәвенә, Казан университеты метеостанциясе мәгълүматлары буенча, октябрь башыннан шәһәрдә айлык явым-төшемнең күпчелек өлеше (48 ммның 40 ммы) яуган.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10