ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Рәсми Татарстан

Миңнеханов Ozonга җир бирүне һәм өлешчеләр проблемасын хәл итүне хуплады

16 октябрь 2019, 14:09 , Фото: tatarstan.ru

Миңнеханов Ozonга җир бирүне һәм өлешчеләр проблемасын хәл итүне хуплады
 Рөстәм Миңнеханов Татарстанның Инвестицион советы утырышын уздырды.

(Казан, 16 октябрь, «Татар-информ»). Татарстан Президенты Рөстәм Миңнеханов инвестиция проектларын тормышка ашыру һәм Казанның алданган өлешчеләре проблемасын хәл итү өчен җир кишәрлекләрен торгларсыз арендага бирүне хуплады. Карар Татарстан Республикасы Инвестицион советы утырышында кабул ителде. Бу хакта республика җитәкчесе матбугат хезмәте хәбәр итә.

Җир кишәрлекләренең берсен «Комосстрой Холдинг» компаниясе алды, ул «МЧС»торак комплексының проблемалы торак йортын төзеп бетерә. Алынган территориядә компания җир асты парковкасы булган яңа күп фатирлы йорт төзергә планлаштыра.

Заседание Инвестиционного совета Республики Татарстан

Тагын бер җир кишәрлеге «Яшел Үзән» сәнәгать паркына Ozon онлайн-ритейлер логистик үзәген төзү өчен бирелде. Байлар Сабасы бистәсендә «Саба» индустриаль паркын төзү, ә Казанда - «Нуриевлар клиникасы» югары технологияле медицина үзәген булдыру өчен мәйдан бүлеп бирелде.

«Шулай ук «Ак Таш» компаниясенә алданган өлешчеләр өчен торак йорт төзүгә җир кишәрлеге бүлеп бирү хупланды», – диделәр Татарстан Президенты матбугат хезмәтендә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10