ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Мәдәният

Илгиз Зәйниевнең “Әлфия” спектаклендә легендар татар җырчысының 20 җыры яңгырый

16 октябрь 2019, 08:45 , Фото: архив

Илгиз Зәйниевнең “Әлфия” спектаклендә легендар татар җырчысының 20 җыры яңгырый Спектакль аша Әлфия Авзалованың язмышын күзалларга мөмкин.

(Казан, 16 октябрь, “Татар-информ”, Рузилә Мөхәммәтова). Илгиз Зәйниевнең “Әлфия” спектаклендә легендар татар җырчысының 20 җыры яңгырый. Бүген “Әкият” курчак театрының баш режиссеры бу театрдагы беренче эшен сәнгать белгечләренә һәм журналистларга тәкъдим итәчәк. “Татар-информ” хәбәрчесе “Әлфия” драмасының премьера алды репетициясендә булды.

“Әлфия” спектакле – күренекле җырчының “Үзем турында” автобиографик китабына нигезләнгән театраль музыкаль күренешләр. Режиссер Илгиз Зәйниев белән музыкаль бизәлеш авторы, композитор Юрий Чаплин Әлфия Авзалова репертуарыннан 20 җырны сайлап алганнар.

Спектакль аша Әлфия Авзалованың язмышын күзалларга мөмкин. Тормыш күренешләренә туры килгән җырлар да сайланган. Күренешләр өчен Әлфия Авзалованың төрле яшьтәге курчаклары ясалган. Сәхнәдә Илһам Шакировның да, җырчының иҗат төркемендәге музыкантларның да курчаклары бар.

Спектакль нигездә өлкәннәр өчен дип билгеләнгән. Ул кичке спектакль буларак күрсәтелә. Яшь чикләре – 12+.

Спектакльнең премьерасы 18 октябрьгә билгеләнгән.

Илгиз Зәйниевның алга таба күренекле татар җырчылары Илһам Шакиров һәм Хәйдәр Бигичевка багышлап шундый ук музыкаль спектакльләр кую теләге бар. 
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10