ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

Казан һәм Геленджикны яңа даими авиарейс тоташтырачак

15 октябрь 2019, 21:06

Очышлар пәнҗешәмбе һәм шимбә көннәрендә башкарылачак.

(Казан, 15 октябрь, «Татар-информ»). Казаннан 31 октябрьдә Геленджикка авиарейс ачыла. Очышлар атнага ике тапкыр башкарылачак. Бу хакта «ЮВТ АЭРО» матбугат хезмәте хәбәр итә.

«Рейслар даими рәвештә пәнҗешәмбе һәм шимбә көннәрендә башкарылачак», - диелә хәбәрдә.

Пәнҗешәмбе көнне Казаннан самолетлар 10.00 сәгатьтә очачак, Геленджик аэропортында 12.30 сәгатьтә төшеп утырачак. Кире очу 13.20 сәгатьтә. Татарстан башкаласына кайтып төшү 15.45 сәгатьтә булачак.

Шимбә көнне Казаннан очу 7.45 сәгатькә билгеләнгән, Геленджикка төшеп утыру - 10.15 сәгатьтә. Кире юнәлештә самолет 11.15 сәгатьтә очачак һәм Татарстан башкаласында 13.35 сәгатьтә төшәчәк.

Очышлар 50 пассажир сыйдырышлы Bombardier CRJ-200 Канада һава судноларында башкарылачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10