ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

«Демография» проекты кысаларында Татарстан пенсионерлары диспансерлаштыру уза

15 октябрь 2019, 20:00 , Фото: Владимир Васильев

«Демография» проекты кысаларында Татарстан пенсионерлары диспансерлаштыру уза
Эльмира Зарипова 65 яшьтән өлкәнрәк кешеләрне диспансерлаштыруга алып баручы «социаль такси»ның Арча районында ничек эшләвен тикшерде.

(Арча районы, 15 октябрь, «Татар-информ», Наталья Рыбакова). «Демография» илкүләм проектының «Өлкән буын» проектын гамәлгә ашыру кысаларында бүген Татарстанның Арча районында яшәүче дүрт өлкән яшьтәге кеше диспансеризация узу өчен бушлай «социаль такси» белән килде. Пациентларны хастаханә янында Татарстан Хезмәт, мәшгульлек һәм социаль яклау министры Эльмира Зарипова каршы алды.

«Безнең алга Россия Президенты Владимир Путинның илнең «80 плюс» клубына керүе буенча бурычы куелды. Бу озын гомер генә түгел, ә өлкәннәрнең сыйфатлы һәм сәламәт тормышы булырга тиеш. Моның өчен Татарстанда авыл җирендә яшәүче кешеләрне үзәк район хастаханәләренә яки табиб амбулаторияләренә диспансерлаштыруга китерү буенча проект гамәлгә ашырыла. Татарстанга федераль бюджеттан бүлеп бирелгән 64 млн сумнан артык акча ярдәмендә төбәк һәр муниципаль район өчен 43 автомобиль сатып алды», - дип сөйләде министр журналистларга.

Республиканың социаль яклау министрлыгы мәгълүматларына караганда, бүгенге көндә «социаль такси»да авыл җирендә яшәүче 65 яшьтән өлкән 14 меңгә якын кеше китерелгән. Ел ахырына кадәр 56 меңнән артык кеше китереләчәк. Мондый медицина тикшерүләрен узу өлкәннәр өчен бик мөһим. Вакытында тикшерүләр дәвалауга һәм операцияләргә мохтаҗ кешеләрне ачыкларга ярдәм итә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10