ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

«Татар ишегалды» экомаркеты хезмәттәшлек турында тәкъдимнәр кабул итә

15 октябрь 2019, 16:44

Санкт-Петербургта Хәсән базары мәйданында «Татар ишегалды» 19 октябрьдә ачыла.

(Казан, 15 октябрь, «Татар-информ»). Санкт-Петербургта Татарстан Республикасының Даими вәкиллегендә «Татар ишегалды» экомаркеты белән хезмәттәшлек итү турында тәкъдимнәр кабул ителә. Бу хакта Татарстан Республикасының Санкт-Петербург шәһәрендә һәм Ленинград өлкәсендә даими вәкиллеге матбугат хезмәте хәбәр итә.

Санкт-Петербургта Хәсән базары мәйданында «Татар ишегалды» 19 октябрьдә ачыла.

Фестивальне ачу тантанасында Санкт-Петербургның Сәнәгать сәясәте, инновацияләр һәм сәүдә комитеты, Красногвардия районы хакимияте вәкилләре, эшмәкәрләр һәм җәмәгать эшлеклеләре катнашачак.

Анда Хәсән базарында эшләүче предприятиеләрнең, Ленинград өлкәсе һәм Санкт-Петербургның крестьян (фермер) хуҗалыклары һәм кооперативлары ассоциациясе, Ленинград өлкәсенең Киров районы бакчачылары продукциясе тәкъдим ителәчәк. Бәйрәмнең мәдәни программасында иҗат коллективлары чыгышлары, «Осталар академиясе» төбәкара үзмәшгуль универсаль һөнәрчеләр иҗтимагый оешмасыннан мастер-класслар, сувенир продукциясе күргәзмәсе һәм сату каралган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10