ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Россиядә номер куелмаган яңа автомобильдә йөрүне тыячаклар

15 октябрь 2019, 14:48

Әлеге яңалык икенчел базарда сатып алынган автомобильләргә кагылмаячак.

(Казан, 15 октябрь, «Татар-информ»). 2020 елның 1 гыйнварыннан Россиядә гомуми файдаланудагы юлларда теркәү билгеләре булмаган яңа автомобильләрдә йөрүне тыячаклар. Бу хакта «Известия» газетасы яза.

Шул рәвешле, хәзерге вакытта гамәлдә булган яңа машинаны исәпкә кую өчен 10 көнлек срок турындагы норма гамәлдән чыгарылачак.

Машинаны теркәү белән автомобильне саткан дилер шөгыльләнәчәк. Автосалонга документларны ЮХИДИ идарәсенә тапшыру, номерлар әзерләү, шулай ук ачкычлар һәм номер табличкалары белән бөтен документлар комплектын автомобиль сатып алучыга тапшыру хокукы биреләчәк.

Әлеге яңалык икенчел базарда сатып алынган автомобильләргә кагылмаячак. Аларның элеккечә үк автомобильне исәпкә кую өчен 10 көн вакыты булачак. Бу машина йөртүчеләргә үз төбәгенә кайту өчен вакыт кирәк булу ихтималы белән бәйле.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10