ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Рәсми Татарстан

Алексей Песошин Сычуань халыкара форумында чыгыш ясады

15 октябрь 2019, 12:32 , Фото: tatarstan.ru

Алексей Песошин Сычуань халыкара форумында чыгыш ясады ТР Премьер-министры эш сәфәре белән Кытайга килде.

(Казан, 15 октябрь, «Татар-информ»). Татарстан Хөкүмәте башлыгы Алексей Песошин «Бер пояс – бер юл» проекты кысаларында туганлашкан төбәк һәм шәһәр башлыкларының беренче халыкара Сычуань форумында сәламләү сүзләре белән чыгыш ясады, шулай ук Кытай һәм РФ төбәкләре арасындагы мөнәсәбәтләрнең югары үсеш дәрәҗәсен билгеләп үтте. Бу хакта ТР Президентының матбугат хезмәте хәбәр итә.

«Быел Кытай Халык Республикасы төзелүгә 70 ел тула. Кытайның алга таба да уңышлы үсеш кичерүен һәм чәчәк атуын теләп калам. Быел шулай ук илләребез арасындагы дипломатик мөнәсәбәтләрнең дә 70 еллыгы билгеләп үтелә. Шунысын да искәртәсем килә: 2019 ел һәм киләсе 2020 ел илләребез арасында Төбәкара хезмәттәшлек еллары дип игълан ителде», - диде Песошин үзенең сәламләү сүзендә.

Первый Сычуаньский форум породненных регионов и городов в рамках проекта "Один пояс и один путь". Принимает участие Премьер-министр Республики Татарстан А.В. Песошин.

ТР Премьер-министры Чэнду шәһәрендә халыкара форумны үткәрү Кытай провинцияләре һәм Россия төбәкләре арасындагы элемтәләрне алга таба үстерүгә ярдәм итәчәгенә ышаныч белдерде.

Сычуань форумы ике яклы гамәли хезмәттәшлекне үстерүдә төбәк элемтәләрен тирәнәйтү максатыннан уздырыла. Анда Кытай һәм Россиядән тугандаш төбәкләр һәм тугандаш шәһәрләрнең вәкилләре катнаша.

Первый Сычуаньский форум породненных регионов и городов в рамках проекта "Один пояс и один путь". Принимает участие Премьер-министр Республики Татарстан А.В. Песошин. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10