ҺАВА ТОРЫШЫ -1 oC

Яңалыклар

барлык хәбәрләр Татарстан Россия
×

Мәдәният

Түбән Кама укучылары серле Яуш урманы турында фильм төшергән

15 октябрь 2019, 09:15

Түбән Кама укучылары серле Яуш урманы турында фильм төшергән Фильм туган як турында халыкара видеороликлар конкурсында җиңү яулаган.

(Казан, 15 октябрь, "Татар-информ"). Түбән Кама укучылары туган як турында халыкара видеороликлар конкурсында җиңү яулады. Бәйгегә алар рус телендә төшерелгән "Яуш урманы" фильмын тәкъдим иткәннәр. Бу турыда Түбән Кама муниципаль районы рәсми сайтында хәбәр ителә.

2 нче мәктәп укучылары Лемар Зәйнетдинов һәм Алсинә Нурхамәтова укытучылары Фәнис Кадыйров җитәкчелегендә Түбән Кама районының Трудовой авылына барып, биредәге әйләнә-тирә табигатьне өйрәнгәннәр, җирле халык белән әңгәмә корганнар, нәтиҗәдә, Яуш урманы турында фильм төшерү фикере туган.

Яшь режиссерлар үзләре төшергән фильмны "Минем кече Ватаным" халыкара бәйгесенә җибәрергә булган. Бәйге Ленинград өлкәсендә Бала хокуклары буенча вәкаләтле вәкил һәм Ленинград университеты тарафыннан оештырылган. Конкурска Россиянең төрле төбәкләреннән, шулай ук Белоруссиядән, Абхазиядән, Иорданиядән һәм Ливаннан 200дән артык катнашучы килгән.

Сүз уңаеннан, "Яуш урманы" фильмы түбәнкамалыларга инде берничә җиңү китерергә өлгергән. Әйтик, җәй башында фильм Бөтенроссия видеороликлар конкурсында иң яхшысы буларак танылган, Саратовта "Киновертикаль" конкурсы финалына узган, Екатеринбургта TIME CODE яшьләр журналистикасы фестивале финалына чыккан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10