ҺАВА ТОРЫШЫ -7 oC

Яңалыклар

барлык хәбәрләр Татарстан Россия

Җәмгыять

Бәйрәм көннәрендә эшләгән өчен түләнмәгән очракта көрәш ысулы турында сөйләделәр

14 октябрь 2019, 21:18

Думаның хезмәт, социаль сәясәт һәм ветераннар эшләре комитеты башлыгы Ярослав Нилов ял көннәрендәге эш икеләтә түләнергә тиеш, дип искәртте.

(Казан, 14 октябрь, “Татар-информ”). Бәйрәм көннәрендә эшләгән өчен икеләтә хезмәт хакы түләнмәгән очракта нинди ысуллар белән көрәшергә мөмкин булуы турында Дәүләт Думасында сөйләделәр. Бу хакта “РИА Новости” хәбәр итә.

Думаның хезмәт, социаль сәясәт һәм ветераннар эшләре комитеты башлыгы Ярослав Нилов эш бирүче ял яки бәйрәм көнендә эшләткән өчен компенсация түләмәгән очракта нәрсә эшләргә кирәклеген искәртте.

Парламентарий ял көннәрендәге эш икеләтә түләнергә тиеш, диде. "Моның өчен хезмәт инспекциясе, прокуратура, суд бар", — ди Нилов.

Ул аңлатканча, беренче чиратта, хезмәт инспекциясенә мөрәҗәгать итәргә кирәк — анда шикаять каралачак. Эш бирүчегә җитди штраф яный. "Хәзер шактый катгый чаралар күрелә", — дип билгеләп үтте депутат.

Нилов ассызыклаганча, эш бирүче һәм хезмәткәр хезмәт килешүе төзергә тиеш. Әгәр аның шартлары нормага салынмаган графикны һәм ял көннәрендә эшләүне күздә тотмаса, бу артык эш булып санала.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10