ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Татар дөньясы

"Һарри Поттер"ны татарчага тәрҗемә иткән Айдар Шәйхин телеграмда канал ачкан

13 октябрь 2019, 16:52 , Фото: Салават Камалетдинов

"Эреле-ваклы эшләр бөтен көндәлегемне биләп алса да, дөньяны күзәтүемне һәм күзәтүләремне монда уртаклашуымны дәвам итәрмен", дип игълан иткән Шәйхин.

(Казан, 13 октябрь, "Татар-информ", Алсу Исмәгыйлева). Татар википедиячесе, фәннәрне татар телендә тәкъдим итү, татар терминологиясен үстерү юнәлешендә эшләүче активист, "Гыйлем" проекты җитәкчесе, Актаныштагы Гуманитар гимназия-интернат укытучысы Айдар Шәйхин телеграмда үз каналын булдыруын игълан итте.

"Шәйхин" телеграм-каналы кичә эшли башлады. 

"Дөньяны күзәтүемне һәм күзәтүләремне монда уртаклашуымны дәвам итәрмен. Мин хәзер Гуманитар гимназия-интернатта эшлим, шул ук вакытта КФУның диннәрне өйрәнү кафедрасында магистратурада белем алам. "Гыйлем", "Һарри Поттер" татарча проектларына да өлешемне кертеп барырга тырышам", - дип язган Шәйхин. 

Ел башында Айдар Шәйхин популяр фәнни мәгълүматларны татар телендә кызык форматта интернетта тәкъдим итә торган "Гыйлем" проекты кысаларында эшләгән “Тарих - Гыйлем” паблигын, “Хәлбүки” лекторийларын ябылуын игълан иткән иде. "Вакытыбызны төп "Гыйлем" проектына багышлыйбыз", - дип аңлатты ул вакытта проект җитәкчесе.

Айдар Шәйхин телеграм каналындагы беренче язмасын "Калеб" яңа буын җыенының Актанышка килүенә багышлаган. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10