ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Омск өлкәсендә «Татар кызы-2019» бәйгесенә гаризалар кабул ителә

13 октябрь 2019, 18:24

Конкурста 18 яшьтән алып 25 яшькә кадәрге кызлар катнаша ала.

(Казан, 13 октябрь, «Татар-информ»). Омск өлкәсендә кызларны «Татар кызы-2019» конкурсында катнашырга чакыралар. Конкурста 18 яшьтән алып 25 яшькә кадәрге кызлар катнаша ала. Бу хакта Омск өлкәсенең төбәк татар милли-мәдәни автономиясе сайты хәбәр итә.

Оештыру комитеты өлкән яшьтәге конкурсантларга катнашу хокукын үзе хәл итә. «Татар кызы-2019» татар халкының милли мәдәниятен, гореф-гадәтләрен һәм телен яңадан торгызу, саклап калу һәм үстерү, рухи мирасны яшь буын вәкилләренә тапшыру максатында үткәрелә. 

Бәйгедә катнашу өчен туган телне ирекле белү һәм аны өйрәнүгә омтылыш; татар халкының этник тарихын, мәдәниятен, гореф-гадәтләрен белү; иҗади, креатив сәләтләргә ия булу; матур кыяфәт, 160 сантиметрдан да ким булмаган буй-сын кирәк һәм бала әнисе булмау шарт.

Конкурста катнашу өчен гариза-анкетаны тутырырга һәм 21 октябрьгә кадәр: tatarlar-omsk@mail.ru адресына җибәрергә кирәк. Тыңлау 26 октябрьдә була. Кызлар үз визиткаларын тәкъдим итә һәм әңгәмә уза. Ике минуттан да арттырмыйча, катнашучы үзе, гаиләсе, мавыгулары, укуы, эше турында ирекле рәвештә сөйләргә тиеш.

Иҗади номерларда бию, вокал номеры, шигырь сөйләү, музыка коралында уен, театральләштерелгән этюд, рәсем ясау, башка осталыкларны, сәләтләрне һәм талантларны тәкъдим итү каралган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10