ҺАВА ТОРЫШЫ +5 oC

Яңалыклар

барлык хәбәрләр Татарстан Россия
×

Авыл

Дмитрий Патрушев Татарстанның авыл хезмәтчәннәрен һөнәри бәйрәм белән котлады

13 октябрь 2019, 13:26 , Фото: agro.tatarstan.ru

Дмитрий Патрушев Татарстанның авыл хезмәтчәннәрен һөнәри бәйрәм белән котлады
Россия Федерациясе Авыл хуҗалыгы министры үзенең мөрәҗәгатендә авыл хуҗалыгы хезмәткәрләренә тынычлык, иминлек һәм яхшы теләкләрен җиткерде.

(Казан, 13 октябрь, «Татар-информ»). Россия Авыл хуҗалыгы министры Дмитрий Патрушев Татарстан халкын Авыл хуҗалыгы һәм эшкәртү сәнәгате хезмәткәрләре көне белән котлады. Котлау тексты Татарстан Республикасы Авыл хуҗалыгы һәм азык-төлек министрлыгы порталында чыкты.

Министр котлавында авыл хуҗалыгы хезмәткәрләре хезмәте һәрвакыт бәяләнде һәм алар безнең илдә аерым хөрмәткә лаек, диелгән.

«Агросәнәгать комплексы хезмәткәрләренең осталыгы һәм ныклыгы аркасында без инде шактый уңышларга ирештек [тармак алдында торган зур бурычларны хәл итүдә, Т – и иск.]. - Авыл хуҗалыгы тармагы соңгы еллар дәвамында югары нәтиҗәләр күрсәтә һәм ил икътисадының локомотивы булып тора», - диде Дмитрий Патрушев.

Россия авыл хуҗалыгы продукциясе 150дән артык илгә экспортлана. Россия Федерациясе Авыл хуҗалыгы министрлыгы башлыгы сүзләренчә, ил бөтен планетада азык-төлекне төп тәэмин итүче булу өчен зур мөмкинлеккә ия. Биредә чимал гына түгел, тирәнтен эшкәртү продукциясе, органик һәм экологик чиста азык-төлек продуктлары да күздә тотыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10