ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Җәмгыять

Татарстанда киләсе атна уртасына кадәр дымлы һәм җылы һава торышы саклана

13 октябрь 2019, 09:54 , Фото: Ильнар Тухбатов/архив

Татарстанда киләсе атна уртасына кадәр дымлы һәм җылы һава торышы саклана
 Республикада явым-төшемнәр, көчле җил һәм һава температурасының күтәрелүе көтелә.

(Казан, 13 октябрь, «Татар-информ»). Татарстан синоптиклары фаразлары республика территориясендә дымлы һәм чагыштырмача җылы һава торышы сишәмбе, 15 октябрьгә кадәр сакланачагын күрсәтә. Бу турыда Татарстан Гидрометеорология һәм әйләнә-тирә мохитне күзәтү идарәсе хәбәр итә.

Бу җылынуның сәбәбе - атлантик циклоннар, алар Россиянең Европа территориясенең күпчелек өлешендә бер-берсен алыштыра. «Циклоннар Россиянең Европа территориясенең төньягы буенча явым – төшем, көчле җил һәм һава температурасын бер-бер артлы алыштырып тора», - диелгән Татарстан Гидрометеорология һәм әйләнә-тирә мохитне күзәтү идарәсе хәбәрендә.

«Татар-информ» мәгълүмат агентлыгы элек хәбәр иткәнчә, якшәмбе, 13 октябрьдә, Татарстанда төнлә һәм көндез көньяк-көнбатыштан исә торган җилнең тизлеге секундына 15-20 метрга кадәр җитәчәк. Моннан тыш, республика буенча урыны белән томан төшәчәк, вакыт-вакыт яңгырлар явачак.

Дүшәмбе, 14 октябрьдә, метеорологлар көткәнчә, болытлы, җилле һәм яңгырлы һава торышы сакланачак. Көндез генә төбәктәге явым-төшем акрынлап тукталачак.

Шул ук вакытта 13 октябрьдә көндез һава температурасы 8дән 13 градуска кадәр, ә 14ендә – 6дан 11 градуска кадәр була. Сишәмбе, 15 октябрьдә, башлангыч тикшеренүләр нигезендә, «җылы һава торышы, вакыты белән яңгырлы» булырга мөмкин.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10